Log in
Search

Te Wetewete

  • Public
Last updated by Daphne Papuni

Ko tēnei whārangi he mea whakamārama i ētahi huarahi e taea ai te tangata te titiro me te pānui i ngā momo rīpoata, ka tahi.  Ka rua, e paku āwhina ana i te taha wetewete rīpoata kia kitea he huarahi e kōkiri whakamua ai te kaupapa ako-e ki te kura.

Mutu ana te uiui ā-tuihono, ka puta mai he rīpoata. E āhei ana ēnei rīpoata te pānui ā-ipurangi me te tā hoki.  Hoi, he pai ake te titiro me te pānui i ngā rīpoata mā te ipurangi i te tuatahi.  Mā reira e whiriwhiri ai ngā aronga nui mō te kura i mua i te tānga mai o ngā rīpoata.  Kia mōhio koe, he maha tonu ngā whārangi o te rīpoata!

Kei a koutou te tikanga o te taha wetewete, ko te mea nui, me whai i te huarahi e pai ai mā koutou, otiia, mō te katoa.

Ki te kite, te pānui, me te tā i ngā rīpoata

  • Mā te kaiwhakahaere ā te kura ngā raraunga i kohia e Te Rangitukutuku;

  • e kite

  • e raweke

  • e tohatoha ki te katoa

  • e tā.

  • Ki te kite i ngā putanga kōrero o te uiui ā-tuihono, pēhia View Results kei te pae ihirangi o runga (top navigation bar). Kātahi, ka pānuihia ngā kōrero whakamārama.

image

  • Ki te tohatoha i ngā rīpoata kia kitea e te katoa, ka;

         1.  pāwhiria te pātene ‘share’, kei te te pae ihirangi

         2.  whiriwhirihia te roa o te wā e āhei ai ngā rīpoata te kite e te katoa

         3.  tukuna ki te katoa mā te pātene whero e kīia nei, share.

image


  • E toru ngā huarahi e taea ai te kite i tētahi rīpoata. Me haere ki ‘view results’ kei te pae ihirangi;

image

     1) Slider view: Mā ‘view results’ e taea ai te kite atu i te kaha o te kura i roto i ngā whenu me ōna wāhanga.

image

     2) Slider view anō:

Ki te pāwhiri i te ‘slider’, ka puta ngā whakamārama mō ngā nekenekehanga o Te Rangitukutuku. I konei ka tautuhitia te nekenekehanga e hāngai ana ki te kura whānui mō ia wāhanga o te whenu.  Kāore e taea e Te Rangitukutuku te tautuhi i te nekenekehanga mō te whenu ake.

image


     3) Te tirohanga ā-wāhanga nei.  

a)  Ki te pāwhiri i ngā kōrero whakamārama i ngā wāhanga o ngā whenu, ka puta mai he rīpoata mō taua wāhanga (tirohia te whakaahua i raro nei).

image


b) Mā tēnei rīpoata e kite ai te tirohanga o te kura, me te tirohanga o te kaiako (tirohia te whakaahua e whai ake nei).

image


Ko te wetewete

He pātai, he whakaaro hoki ēnei hei āwhina pea i te mahi wetewete

  • Ko ēhea ngā whenu, me ngā wāhanga o ngā whenu, e noho hapa ana, e ngoikore ana rānei?  Ki ō whakaaro, he aha i pēnei ai?  He aha ngā āhuatanga e tāmi ana, e aukati ana rānei i te whakapakari, i te whakawhanake i ēnei wāhanga?

  • Ko ēhea wāhanga o ngā whenu e noho pai ana?  

  • He aha i pēnei ai?

  • He aha tātou i pai ai i ēnei wāhanga o ēnei whenu?

  • He aha ngā āhuatanga e taea tonu ai e tātou te whakapakari?

  • He akoranga i roto i ēnei whakamāramatanga hai āwhina, hei tohutohu i te huarahi whakapakari ake i ngā wāhanga e tapepe ana?

Ka taea rānei te āta whakatōpū i ngā wāhanga o ngā whenu e rite ana, arā, kia pēnei i te whakaahua nei;

image

  • Kātahi, ka te āta whakaarohia;

  • He aha ngā āhuatanga e rite ana i ēnei wāhanga, e rere kē ana rānei?

  • Āe rānei, ka taea te huarahi kotahi te whakarite hei whakapakari i ēnei āhuatanga katoa?

Mā te āta noho me te whakaaro ki ngā whakataunga i puta i ngā rīpoata nei, e tohutohu ai i te tūranga o te kura whānui i roto i ngā whenu.  Mā konei e kite ai, kei hea koutou i roto i ngā āhuatanga o te ako-e, ā, ko te mea nui, ka kite anō ai, e ahu ana koutou ki hea.

Whiriwhiria te aronga nui, ngā aronga nui rānei, mō te kura whānui, ka pātai anō;

  • Me pēhea e whakapakari i tēnei/ēnei tūāhuatanga?

  • He aha te huarahi e kōkiri whakamua ai te/ngā kaupapa?


Huarahi atu anō

Kua oti i ngā kaiwhakahaere o te eLPF ētahi whakamārama te whakatakoto.  Inā te whānui o ngā whakamārama, me te aha anō, e hāngai tonu ana ēnei whakaaro ki Te Rangitukutuku me te raweke i te rawa, i te taputapu ipurangi nei.  Tirohia te whārangi /groupcms/view/810153/analysing-the-data-elpf-online-tool#feelings me ngā whakamārama.

(More explanation about analysing data from the online tool can be found at the link above)